කොරෝනා වසංගතය හේතුවෙන් පීඩාවට පත්වූ සංචාරක කේෂ්ත්‍රයේ නියුතු වූවන්ට සහන.....



කොවිඩ් 19 හෙවත් කොරෝනා වසංගතය හේතුවෙන් පීඩාවට පත් වූ සංචාරක කේෂ්ත්‍ර‍යේ නියුතු වූවන්ට සහන සැලසීමේ රජයේ වැඩපිළිවල ඇරඹේ .

ඒ සඳහා ඉදිරිපත් කළ කැබිනට් පත්‍රිකාවට අනුව මෙම සහන සැලසීමේ වැඩසටහන සඳහා සංචාරක කේෂ්ත්‍රයේ නියතු වූවන්ට දැන් අයදුම් කළ හැකි බව කාර්මික අපනයන ආයෝජන ප්‍රවර්ධන සංචාරක හා ගුවන්සේවා ඇමති ප්‍රසන්න රණතුංග මහතා පවසයි. ජනාධිපති ගෝඨාභය රාජපක්ෂ මහතාගේ උපදෙස් මත ඉදිරිපත් කෙරෙනු කැබිනට් පත්‍රිකාවට අනුව සංචාරක කේෂ්ත්‍රයේ නියුතු පුද්ගලයන් 1,44000 ට මෙමගින් සහන සැලසේ . සංචාරක සංවර්ධන අධිකාරියේ ලියාපදිංචි මාර්ගෝපදේශකයන් සඳහා රුපියල් 20,000 ක දීමනාවක් හා රියදුරන් සඳහා රුපියල් 15,000ක දීමනාවක් ලබා දීම සඳහා එම අධිකාරිය දැනටමත් අයදුම්පත් කැඳවා තිබේ.ශ්‍රී ලංකා සංචාරක සංවර්ධන අධිකාරියේ වෙබ් අඩවිය ඔස්සේ අදාල අයදුම්පත් යොමුකල හැකිය . මේ වනවිට වෙබ් අඩවියේ එම අයදුම්පත් පල කර ඇතැයි ඇමති ප්‍රසන්න රණතුංග මහතා පවසයි. සංචාරක සංවර්ධන අධිකාරියේ ලියාපදිංචි සංචාරක හෝටල් , ගමනාන්ත කලමනාකාරණ සමාගම්,සංචාරක නියෝජිත ආයතන වෙත ඔවුන්ගේ කාර්යය මණ්ඩල වලට මාස 6ක වැටුප් ගෙවීම සඳහා 4% ක පොලියකට ලංකා බැංකුව මඟින් ණය මුදලක් ලබාදීමේ කටයුතු ද ඉතා ඉක්මනින් ආරම්භ කිරීමට අපේක්ෂා කරන බව ඇමති ප්‍රසන්න රණතුංග මහතා කියා සිටියි . මේ සඳහා වන අනුමැතිය කැබිනට් මණ්ඩලය විසින් මහ බැංකුව වෙත දැනටමත් යොමුකර තිබේ . මහ බැංකුව අදාල දැනුම්දීම කල වහාම මෙම ණය මුදල එම ව්‍යාපාර වල නියුතු වූවන්ට ලබා ගත හැකි බවද රණතුංග මහතා කියයි. එමෙන්ම අධිකාරියේ ලියාපදිංචි ආයතන වල ජල බිල්පත් හා විදුලි බිල්පත් ගෙවීමට සහන කාලයක් ලබාදීමත් සංචාරක කර්මාන්තය ආශ්‍රිත සියලුම වාහන කල්බදු සඳහා ලබාදී ඇති මාස 06ක සහන කාලය වසරක් දක්වා දීර්ඝ කිරීම සම්බන්ධයෙන් අදාල අංශ දැනුවත් කිරීමට කැබිනට් මණ්ඩලය පියවර ගෙන ඇති බවද ඇමති ප්‍රසන්න රණතුංග මහතා වැඩිදුරටත් කියා සිටියි.

0 views
Send Us Your Request

Hello Radio is the online radio service of Planet Entertainment, which is catered to the Sri Lankan Sinhala speaking Community living in Sri Lanka and overseas. It is equipped with state of the art systems, software’s and unique solutions using Social Media as a tool of communication. Copyright © Hello Digital Media Network 2017