ඉන්දියාවේ හෝ වෙනත් කිසිදු රටක සිට කොවිඩ් 19 වසංගතයෙන් පසු ශ්‍රමිකයන් හෝ තාක්ෂණික ශිල්පීන් ගෙන්වා නෑ,



කර්මාන්ත අමාත්‍යංශය යටතේ ඇති කිසිදු කර්මාන්තශාලාවකට ඉන්දියාවේ හෝ වෙනත් කිසිදු රටක සිට කොවිඩ් 19 වසංගතයෙන් පසු ශ්‍රමිකයන් හෝ තාක්ෂණික ශිල්පීන් ගෙන්වා නැතැයි කර්මාන්ත අමාත්‍ය විමල් වීරවංශ මහතා අද(20) පාර්ලිමේන්තුවේදී සඳහන් කළේය.

මෙරට පිහිටි කර්මාන්ත ශාලාවක තාක්ෂණික හෝ වෙනයම් කටයුත්තක් සඳහා විදේශිකයන් ගෙන්වයි නම් ආයෝජන මණ්ඩලයේ ලියාපදිංචි වූ කර්මාන්තශාලා එම මණ්ඩලයේ අනුමැතියද එසේ නොමැති කර්මාන්තශාලා සඳහා කර්මාන්ත අමාත්‍යංශයේද අනුමැතිය ලබා ගත යුතු බවද අමාත්‍යවරයා පැහැදිළි කළේය. ඇඟළුම් කර්මාන්තශාලා කොවිඩ් වසංගතය හමුවේ බරපතල ප්‍රශ්නයකට මුහුණු දී ඇති බවත් ඉන්දියාවේ සිට පැමිණි පිරිසක් මඟින් කොරෝනා වසංගතය නැවත පැතිර යාමක් සිදු වූවේදැයි පාර්ලිමේන්තු මන්ත්‍රී තුෂාර ඉඳුනිල් මහතා අසන ලද වාචික ප්‍රශ්නයකට පිළිතුරු දෙමින් අමාත්‍යවරයා මේ බව ප්‍රකාශ කළේය. බ්‍රැන්ඩික්ස් ඇඟළුම් ආයතනය BOI යටතේ ලියා පදිංචි වූ සමාගමක් බවත් එය කර්මාන්ත අමාත්‍යංශයේ විෂයපතයට අයත් නොවන බවත් සඳහන් කළ අමාත්‍යවරයා; බ්‍රැන්ඩික්ස් ආයතනයට ඉන්දියානුවන් කිහිපදෙනෙක් පැමිණියේ යැයි කියන සිද්ධිය සම්බන්ධයෙන් තමා පෞද්ගකිකවම සොයා බැලූ බවත් කොවිඩ් 19 වසංගතයෙන් පසු කිසිම ඉන්දියානුවෙකුට ශ්‍රමිකයෙක් වශයෙන් හෝ තාක්ෂණික ශිල්පියෙක් වශයෙන් හෝ කිසියම් කර්මාන්ත ශාලාවක වුවමනාවක් සඳහා ලංකාවට රැගෙන ඒමට ඉල්ලීමක් කර නැති බවත් ඒ සඳහා කිසිදු අනුමැතියක් ලබා දී නොමැති බවත් අමාත්‍යවරයා අවධාරණය කළේය. ආයෝජන මණ්ඩලයේ සභාපතිවරයාගෙන්ද මේ පිළිබඳව විමසූ බවත් කිසිදු ඉන්දියානුවෙක් තාක්ෂණික හෝ වෙනත් කටයුත්තක් සඳහා ආයෝජන මණ්ඩලයේ ලියාපදිංචි කිසිදු ආයතනයකට පැමිණ නොමැති බව ආයෝජන මණ්ඩලයේ සභාපතිවරයාද තහවුරු කළේයැයි අමාත්‍යවරයා පැවසීය. තව දුරටත් මේ පිළිබඳව සොයා බැලූ තමා ආගමන විගමන කාර්යංශයෙන්ද මේ පිළිබඳව තහවුරු කර බව අමාත්‍යවරයා කීය.



5 views

HELLORADIO

CONTACT US

077 7 369 324

helloradio.lk

ABOUT US

Hello, Radio is the online radio service of Planet Entertainment, which is catered to the Sri Lankan Sinhala speaking Community living in Sri Lanka and overseas. It is equipped with state of the art systems, software, and unique solutions using Social Media as a tool of communication.

Hello Digital Media Network 2017 © Copyright  2020

MENU

  • Facebook
  • Twitter
  • YouTube
  • Instagram